Сайншанд хотын хүүхэд залуучуудын чөлөөт  цагаа өнгөрүүлэх  “Дорноговь 80” цогцолборт цэцэрлэгт хүрээлэнгийн ажил хаврын урт өдрүүдтэй уралдан хийгдэж байна. Манай аймагруу чиглэсэн аялал жуулчлалын хөлийг  даган баригдаж буй уг цогцолборт сум сумдын онцлогийг харуулсан хөшөө дурсгал, аймгийн байгалийн болон түүхийн 9 гайхамшиг баригдах юм байна. 

Сайншанд сумын Засаг даргын Тамгын газраас санаачлан “Газар таны баялаг” нэг сарын аяныг энэ сарын 07-ноос эхлэн зохион байгуулж эхлээд байна. Уг аян нь иргэдэд газар эзэмших талаар мэдээ мэдээлэл өгөх, гэр бүлийн хэрэгцээний зориулалтаар газар эзэмшиж байгаа болон хашааныхаа газрыг өмчлөөгүй иргэдийн газрыг өмчлүүлэх, ажлыг эрчимжүүлэх, иргэдийг мэдээллээр хангахад аяны зорилго чиглэгдэх ажээ.

Хүүхдийн байгууллагын 87 жилийн ойн баярыг тэмдэглэн өнгөрүүлэх, Хүүхдийн төлөө ажилладаг төрийн болон төрийн бус байгууллага, аж ахуйн нэгжтэй хамтран 2008-2012 оны “Шинэ Дорноговь” хөгжлийн хөтөлбөрийн хүрээнд зохион байгуулсан үйл ажиллагааны тайланг олон нийтэд сурталчилах “НЭЭЛТТЭЙ ХААЛГАНЫ ӨДӨР”-ийг 05 сарын 11-ний өдөр  аймгийн төв талбайд зохион байгууллаа.